Policia e Korçës ka identifikuar dhe arrestuar shtetasin që tentoi të hynte me forcë në ambientet e një banke të nivelit të dytë në qytet. Pas 24 orësh kontrolle intensive, shërbimet e policisë lokalizuan dhe kapën autorin, një 38-vjeçar nga Korça.
Ngjarja ndodhi mbrëmjen e 21 dhjetorit, rreth orës 22:05, në lagjen nr. 3, kur autori, pas tentativës për të hyrë në bankë, u largua menjëherë sapo pa shërbimet e policisë, pa marrë asgjë.
Pas ngjarjes, shërbimet e Policisë Korçë, me mbështetje nga Komisariati i Policisë, organizuan një operacion për kapjen e autorit. Pas identifikimit të 38-vjeçarit, Policia e lokalizoi dhe e vuri në pranga në lagjen nr. 6.
Shtetasi V. Xh., 38 vjeç, ka deklaruar para policisë se nuk mban mend asgjë për ngjarjen dhe se ka qenë nën efektin e alkoolit gjatë momentit të incidentit.
