Protestuesit dhe simpatizantët e opozitës së bashkuar në qytetin e Fierit kanë dalë në rrugë, ndërsa kanë bërë thirrje “Rama ik,” aty ku qindra mbështetës të opozitës së bashkuar kanë bllokuar rrugën.
Teksa protestuesit kanë nisur të marshojnë, forca të policisë kanë formuar një kodron për të mos i lejuar. Në këtë moment situata është tensionuar, derisa protetuesit kanë vendosuur ta mbajnë rrugën të bllokuar vetëm në një pikë.
Ndërkohë protestuesit kanë zbarkuar edhe në një prej hyrjeve të Tiranës, duke bllokuar qarkullimin e automjeteve te sheshi “Shqiponja”.
Por ajo që bie në sy, është numri i vogël i protestuesve, që deri tani kanë mundur të bllokojnë vetëm një nga senset e rrugës me katër korsi. Kujtojmë se një pjesë e konsiderueshme e protestuesve në këtë shesh janë ata të cilët protestojnë prej muajsh tashmë kundër shembjes së banesave te zona e “Astirit”. Protesta pritet të zgjasë rreth 2 orë.
