Protesta e studentëve vazhdon dhe sot pas 9 ditësh është shënuar dhe incidenti i parë mes policisë dhe protestuesve. Situata është tensionuar pas ndërhyrjes së efektivëve të policisë që kanë kërkuar të bllokojnë disa fuci me lëndë drusore që studentët I kishin marrë për t’u ngrohur.
Sipas Ballkanweb, studentët në mënyrë individuale morën disa fuçi dhe dru për t’u ngrohur, por policia tentoi t’i pengonte. “Kjo nuk është ndaluar dot. Studentët ia dolën që lëndën drusore ta sillnin në rrethin e tyre. Ata kanë marrë edhe ushqim dhe ujë”, raporton gazetarja.
Studentët kanë tentuar dhe mbrëmjen e djeshme të sjellin lëndë drusore, mirëpo efektivët e policisë nuk i kanë lejuar, ndërsa ditën e sotme ata arritën që në këto temperatura të ulta të paktën të kenë ngrohje.
