Kryeministri i vendit Edi Rama, mësohet se ditën e nesërme do të niset për një vizitë zyrtare në Kosovë. Kryeministri Rama do të takohet me liderët kryesorë politikë të Kosovës, në një kohë që Prishtina dhe Beogradi ndodhen në një nga situata më të agravuara të viteve të fundit dhe kjo vjenë për shkak të reciprocitetit të targës që ka vendos Kosova.
Mësohet se kryeministri Rama do të takoj fillimisht homologun e tij Albin Kurtin, ku tema kryesore e bisedimeve do të jenë tensionet e fundit me Serbinë. Ky gjithashtu do të jetë edhe takimi i parë me dy kryeministrat, pas një kohe të gjatë që kanë pasur replika virtuale, për Mini Shengen-in.
Më tej në një konferencë të përbashkët për shtyp pritet që kryeministri Rama të tregoj edhe qëndrimin e tij lidhur me reciprocitetin që ëshët vendosur për targat.
Në axhendën e publikuar Rama nuk do të takohet me presidenten Vjosa Osmani dhe as me kryeparlamentarin Glauk Konjufca.
Por do të takohet me tre liderët e opozitës: Ramush Haradinaj, Memli Krasniqi dhe Lumir Abdixhiku. Po ashtu gjatë qëndrimit në Kosovë, Rama do të dekorojë edhe akademikun, Rexhep Qosja.
Kujtojmë se situata në kufi me Serbinë nuk paraqitet aspak e mirë që prej vendimit që mori Kosova në datë 20 shtator, për të vendosur reciprocitetin e targave me Serbinë.
