Futbollistët e Cervena Zvezdës nuk janë lejuar që të futen në Kosovë.
Ekipi nga Beogradi do të zhvillonte ndeshje me Trepçen, në kuadër të kupës së Serbisë.
Federata Kosovare e Futbollit kishte paralajmëruar se ndeshja nuk do të zhvillohej dhe kërkoi ndihmën e policisë.
FFK ka kundërshtuar pjesëmarrjen e ekipeve serbe të Kosovës në kupat e Serbisë.
Gjithashtu është drejtuar edhe një ankesë në FIFA dhe UEFA, për tentativë ndërhyrje të Serbisë në territorin kosovar.
Federata insiston se vetëm ajo ka të drejtë të organizojë gara futbollistike në territorin e Kosovës.
Sipas “Kurir”, ndeshja midis këtyre dy ekipeve do të zhvillohet nesër në Serbi.
Në kufi janë shënuar edhe tensione, pasi disa tifozë të Zvezdës provokuan me thirrjet: “Oj Kosovë oj vendi im”.
