Dukej sikur do të ishte një situatë e qetë, por nuk ndodhi kështu.
Ditën e sotme janë regjistruar sërish përplasje mes pronarëve të bizneseve në jug të vendit dhe inspektorëve të IKMT.
Në mbështetje të aksionit kanë ardhur edhe dhjetëra forca policie, shkruan “Balkanweb”.
Efektivët kanë formuar një kordon, për të ndalur pronarët e irrituar të bizneseve, të cilë kanë shpërthyer në të shara.
Gjatë ditës së djeshme, ata deklaruan se do t’i mbrojnë me jetët e tyre objektet.
Pronarët akuzojnë IKMT për prishje selektive, ndërsa kërkojnë më shumë transparencë për projektin.
Gjatë fazës së parë për “Lungomare2”, do të prishen 51 objekte, për të cilët IKMT ka deklaruar se nuk kanë dokumentacionin e rregullt.
