Ish-drejtori i policisë, Shemsi Prençi ka folur ditën e sotme lidhur me tenderin e uniformave të policisë. I ftuar në emisionin “Breaking”, ish-drejtori i policisë tha se tenderi është firmosur nga sekretari i ministrisë së Brendshëm. Gjithashtu Prençi ka thënë se duhet të pranohet që Drejtoria e Prokurimeve Publike është në varësi të sekretarit të Ministrisë së Brendshme, pra Plarent Ndreca.
Më tej, Prençi ka thënë se disa persona të inkriminuar, sipas tij këta persona kanë mbajtur raporte me zonjën Voda duke e shpërblyer për këtë nder. “Kisha informacione se po bëhej presion për shtimin e fondeve për trafikun e drogës, KLSH ka një raport ku ka gjetur shkelje një shifër të madhe dhe në atë kohë u hesht.
Kur denoncimi u bë në SPAK nga deputetët Murrizi dhe Valteri, SPAK nisi punën. Në 2019 Lleshaj dhe Ndreca janë kryesorët që kanë firmosur. Drejtoria e prokurimeve publike është në varësi të sekretarit të Ministrisë së Brendshme pra Plarent Ndrecës. Në fund të mandatit të Nanos u arrest zv, ministry i Brendshëm, unë e kam lajmëruar zonjën Voda për këtë që i ndodhi. Disa persona të inkriminuar kanë mbajtur raporte me zonjën Voda duke e shpërblyer këtë nder”,u shpreh mes të tjerash Prençi.
