Shpesh jemi mësuar të shohim se taksat tona shkojnë për tendera pa garë, të dhëna nga qeveria për interesa të caktuara.
Së fundmi kompania IDENTITEK që merret me prodhimin dhe shpërndarjen e letërnjoftimit elektronik dhe pasaportës biometrike për shtetasit shqiptarë, po dyshohet se ka dhënë tendera të dyshimtë.
Kjo kompani, e cila është shoqëri aksionere, e administruar nga Loina Prifti dhe është në varësi të qeverisë ka dhënë rreth 30 milionë lekë të vjetra (me TVSH) djalit të ish-kryeministrit, Aleksandër Meksi.
Tenderi është zhvilluar me procedurë “me negocim, pa njoftim”, pra praktikisht pa garë. Sa për sy e faqe, kanë marrë pjesë edhe dy kompani të tjera të cilat bashkë më kompaninë e djalit të Aleksandër Meksit, rezulton të jenë njoftuar direkt nga IDENTITEK për tenderin, pra pa garë të hapur.
Loina Prifti i ka hapur rrugën këtij tenderi të marrë nga Endri Meksin dhe kompaninë e tij MC NETWORKING, i cili thuhet se ka ofruar sa 96% e fondit limit të tenderit, për t’u shpallur fitues.
Kjo duket qartë se është një bashkëpunim mes Priftit, Ramës dhe familjes Meksi, në kurriz të qindra familjeve shqiptare, ndërsa nga ana tjetër SPAK nuk merr asnjë masë për këtë akt korruptiv.
Kujtojmë se ish-kryeministri Meksi nuk ka mbajtur asnjë përgjegjësi ligjore lidhur me firmat piramidale vite më parë, ku mijëra qytetarë humbën paratë e tyre.
