Policia prej disa ditësh po vijon operacionin e koduar “Tempulli 2” me qëllim kapjen e disa personave që shesin dhe shpërndajnë lëndë narkotike. Deri më tani ka pasur 299 urdhërarreste dhe 20 të arrestuar.
Mes të arrestuarve është dhe një anëtar i Këshillit Bashkiak të Elbasanit.
Bëhet fjalë për këshilltarin bashkiak, Franko Hakilja i Partisë së Lirisë, pjesë e koalicionit “Bashkë Fitojmë”.
Në profilin e tij në facebook, më 23 shkurt 2023 ai ka publikuar një foto të tij me kryetarin e Partisë së Lirisë, Ilir Meta duket në një nga aktivitetet që kjo parti ka realizuar. Po ashtu, shihet edhe në foto me Monika Kryemadhin, deputete e Partisë së Lirisë.
Ai ka përfunduar në pranga, pasi është hasur me akuzën e “prodhimit dhe shitjes së lëndëve narkotike”.
