Instituti i Gjeoshkencave, Energjisë, Ujit dhe Mjedisit ka publikuar parashikimin e motit për sot dhe nesër dhe bëhet me dije se pas ditëve më diell do të nisin reshjet e shiut.
Sipas IGJEUM sot pasdite priten reshje të dobëta në të gjitha qarqet, ndërsa nesër në përgjithësi, priten reshje të dobëta, por deri lokalisht mesatare në qarqet Elbasan, Korçë dhe Vlorë.
Priten reshje në formë dëbore deri në 400m mbi nivelin e detit (në zona shumë të kufizuara mund të zbresin dhe poshtë këtij niveli, përfshirë edhe bregdetin e Jonit, por kryesisht dëborë e përzier me shi).
TEMPERATURAT
Nesër temperaturat minimale dhe maksimale të ajrit pritet të arrijnë:
në bregdet: 2 / 9 °C
në vendet e ulëta: 2 / 7 °C
në vendet malore: -6 / 0 °C
ERA
Sot pasdite (e mërkurë, dt.02) era pritet të fryjë e lehtë deri mesatare. Nesër (e enjte, dt.03) pritet një forcim gradual i saj, për t’u bërë problematike në disa zona, më e ndjeshme në bregdet dhe në terrenet e larta malore, ku për momente do t’i kalojë 40km/orë, veçanërisht në Perëndim të vendit.
