Kryebashkiaku i Tiranës Veliaj i heq 4.1 milionë euro qytetarëve nga buxheti i vitit 2021 dhe ia kalon inceneratorit të Tiranës. Për këtë fakt reagon Eksperti i Ekonomisë pranë Partisë Demokratike, Dorian Teliti.
“Tre ditë më parë, në mënyrë tinzare, në seancë plenare të kuvendit ilegjitim, ku po disktutohej dhe miratohej nen për nen buxhetit i vitit të ardhshëm, Edi Rama miratoi amendamentin e kërkuar nga Erjon Veliaj, per t’i dhënë këtij të fundit 4.1 milionë euro shtesë vetëm për të financuar inceneratorin e Tiranës”, deklaron Teliti.
“Kur bëhet fjale për ju, për t’ju ndihmuar në këto muaj të vështirë të pandemisë, Edi Rama thotë se nuk ka para.
Nuk ka para Edi Rama për të kryer testimet e popullatës, ndërkohë qe vendet e tjera të rajonit testojnë të paktën 3 herë më shumë se ne.
Nuk ka para Edi Rama për pensionistët, që t’ju japë 2 mijë lekë të reja në muaj për maska e alkool.
Nuk ka para Edi Rama për të ndihmuar me një bonus mujor dhjetëra mijëra kryefamiljarë që kanë humbur vendin e punës e nuk kanë me cfarë të ushqejnë fëmijët e tyre.
Nuk ka para Edi Rama për bonusin prej 1000 euro për 100 mijë bizneset e vogla duke i braktisur ata, e duke i çuar drejt falimentit me qindra dita ditës.
Paratë tuaja i ka dhe i çon për të financuar miqtë e qeverisë dhe kontratat koncesionare”, deklaroi Teliti.
