Gjatë natës së ndërrimit të viteve, një ngjarje e tronditshme ndodhi brenda një klubi nate në Tiranë, ku u dëgjuan të shtëna me armë zjarri gjatë një performance muzikore.
Sipas videove të shpërndara në rrjete sociale, këngëtari i shfaqjes është detyruar të ndërpresë performancën dhe të largohet nga skena për shkak të të shtënave.
Policia, pas këqyrjes së kamerave të sigurisë, ka identifikuar shtetasin që qëlloi me armë në ajër, por për arsye hetimi, nuk janë zbuluar ende gjeneralitetet e tij.
Sipas njoftimit të policisë, nga ngjarja nuk ka pasur asnjë të lënduar.
Pas marrjes së sinjalizimit, efektivët e policisë mbërritën menjëherë në lokalin e natës dhe shoqëruan një numër shtetasish për t’i pyetur mbi ngjarjen.
Hetimet janë duke u kryer nga Komisariati i Policisë Nr. 2 dhe Prokuroria e Rrethit, të cilët po punojnë për dokumentimin e ngjarjes dhe kapjen e autorit të dyshuar.
