Pesë persona u plagosën dy ditë më parë në Fier, si pasojë e një sherri që u përshkallëzua deri në përdorimin e armëve në spital.
Njëri prej të plagosurve, Aleksandër Zhapa, është transportuar në Tiranë për të marrë një mjekim më të specializuar, për shkak të plagës që ka marrë në shpatull nga plumbi, shkruan “Faxweb”.
Zhapa u plagos nga një person që po shoqëronte njërin prej të plagosurve. Ky i fundit i mori armën policit të patrullës, duke qëlluar me armë zjarri në ambientet e brendshme të Urgjencës së spitalit.
Aleksandër Zhapa kishte shkuar në spital, për të parë nga afër gjendjen e djalit të tij, i cili ishte plagosur me sende të forta.
Në lidhje me këtë ngjarje, policia ka shoqëruar E.B dhe D.B, ndërsa është shpallur në kërkim një tjetër.
Kujtojmë këtu se dy ditë më parë, si pasojë e një sherri mes dy familje në Levan të Fierit, mbetën të plagosur 4 persona.
Policia ndërkohë po punon për zbardhjen e shkaqeve që çuan drejt konfliktit.
