Të shtëna me armë zjarri janë dëgjuar mbrëmje e sotme në qytetin e Shkodrës, afër rrethrrotullimit të “5 Heronjve të Vigut”.
Ngjarja ka ndodhur pak minuta më parë teksa mësohet se policia ndodhet në vendngjarje.
Nga të dhënat e para dyshohet se është qëlluar në drejtim të lokalit të vëllezërve Pjetri. Lokali mësohet se është në pronësi të Albert Pjetrit, ndonëse administrohej edhe nga dy të tjerët Nikoll Pjetri dhe Vlash Pjetri.
Nuk dihen ende rrethanat e ngjarjes apo nëse ka ose jo persona të lënduar. Në momentin që është sulmuar lokali brenda tij kanë qenë disa persona, të cilët kanë deklaruar se janë shtrirë përtokë kur kanë dëgjuar krisma.
Njoftimi i Policisë:
Shkodër/ Informacion paraprak
Më datë 22.12.2020, rreth orës 21:10, në vendin e quajtur rruga e Pompave të Ujit, fshati Dobraç, Shkodër, në rrethana ende të paqarta qëlluar me armë zjarri në drejtim të lokalit në pronësi të shtetasit A. P.
Nga verifikimet paraprake të bëra nga shërbimet e Policisë, nuk ka persona të dëmtuar.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP dhe të FNSH Shkodër./Gazetareforma.com/
