Një sherr midis disa personave ka ndodhur këtë mbrëmje në zonën e Mulletit në Tiranë. Mësohet se ngjarja ka ndodhur në parkimin e kompleksit “Equos”.
Në njoftimin e policisë thuhet se një shtetas ka qëlluar në ajër me armë zjarri dhe është larguar me shpejtësi me një mjet fuoristradë.
Deri tani bëhet me dije se nuk ka viktima, por mësohet se është qëlluar disa herë me pistoletë në ajër. Nuk janë të qarta ende motivet e sherrit, por mësohet se gjithçka ka ndodhur tek parkimi i resortit.
Njoftimi i policisë:
Tiranë/Informacion paraprak
Rreth orës 18:45, është njoftuar salla operative se në Mullet një shtetas dyshohet se ka qëlluar me armë zjarri në ajër dhe është larguar me shpejtësi me një mjeti tip “Foristradë”.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, si edhe për identifikimin dhe kapjen e autorit.
