Mbrëmjen e sotme Sukthi është përfshirë nga të shtëna me armë zjarri.Si pasojë ka mbetur i plagosur një person i cili është transportuar me urgjencë në spitalin rajonal të Durrësit dhe më pas ka ndërruar jetë.
Arben Mërkuri është 48 vjeçari i cili është qëlluar për vdekje mbrëmjen e sotme në Sukth të Durrësit. Mësohet se ndaj tij është organizuar një atentat i mirëfilltë ku i 48 vjeçari ka marrë 2 plumba në organet jetësore.
Fillimisht “shënjestra” është dërguar në gjendje të rëndë, por ka pësuar vdekje klinike duke mos mundur t’u mbijetonte plagëve të marra.
Sipas burimeve ngjarja ka ndodhur për shkak të prishjeve të pazareve të drogës. Mërkuri gjithashtu rezulton si person me precedentë të mëparshëm kriminalë në fushën e narkotikëve.
Ndërkohë policia ende po punon për kapjen e autorit të ngjarjes, duke ngritur postoblloqe në hyrje-daljet kryesore të qytetit të Durrësit.
Njoftimi i Plotë i Policisë:
Durrës/Informacion paraprak
Në qendër të Sukthit, një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit Arben Mërkuri.(I.), 48 vjeç.
Për pasojë shtetasi A. M.(I.) u plagos në gjendje të rëndë dhe si pasojë e plagëve të marra ndërroi jetë në spital.
Shërbimet e Policisë kanë rrethuar zonën dhe vijon krehja e saj, për te bërë të mundur kapjen e autorit.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
