Të shtëna me armë kanë tronditur Shkodrën mesditën e sotme, ku si pasojë një 46-vjeçar është ekzekutuar me armë zjarri.
Bëhet me dije se ngjarja ka ndodhur në zonën Administrative Dajç.
Mësohet se viktima është shtetasi Ridvan Ramazani, i cili është ekzekutuar vetëm disa minuta më parë.
Njoftimi i Policisë:
Shkodër/Informacion Paraprak
Më datë 28.11.2020, rreth orës 11:20, në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip “BMW” shtetasi R. H. 46 vjeç banues në fshatin Darragjat, Shkodër,
Shërbimet e Policisë kanë mbritur menjëherë në vendngjarje.
Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve.
Në ndihmë të Policisë lokale janë nisur forcat e FNSh Shkodër dhe forcat Speciale Renea./GazetaReforma.com/
