Pesë persona janë qëlluar me armë zjarri në një shkollë në Örebro, Suedi, të martën pasdite, sipas njoftimit të policisë.
Ngjarja ka ndodhur në orën 13:00, dhe është klasifikuar si tentativë vrasjeje, zjarrvënie dhe përdorim i armëve të rënda.
“Kjo aktualisht shihet si një tentativë vrasjeje, zjarrvënie dhe vepër e rëndë me armë”, tha policia në një deklaratë.
Policia ende nuk ka përcaktuar shkallën e lëndimeve të personave të qëlluar, ndërsa ka bërë thirrje për të qëndruar larg zonës së ngjarjes.
Autoritetet po kërkojnë nga qytetarët të qëndrojnë brenda dhe të respektojnë udhëzimet e oficerëve të policisë.
“Publikut i kërkohet të qëndrojë larg zonës së Västhaga, ose të qëndrojë brenda shtëpive të tyre. Dëgjoni oficerët e policisë në vendngjarje”, thuhej në një deklaratë të policisë të publikuar në orën 13.20, duke shtuar se operacioni i policisë ishte “ende në vazhdim”.
Në momentin e incidentit, të shtënat ndodhen në një qendër arsimore për të rritur, ku frekuentuesit janë kryesisht individë që nuk kanë mbaruar arsimin fillor apo të mesëm.
Policia është ende në terren, dhe operacioni për kapjen e autorëve është në zhvillim.
