Një sherr mes shokësh ka çuar në plagosjen me armë zjarri të njërit prej tyre ditën e sotme.Ngjarja ka ndodhur në vendin e quajtur Katalat në afërsi të fshatit Rusan, Delvinë.
Mësohet se dy të rinj, barinj, janë grindur me njëri-tjetrin, dhe një prej tyre ka goditur shokun me armë çifte, duke e lënë të plagosur në këmbë, jashtë rrezikut për jetën.
Shkak i këtij konflikti mësohet të jetë bërë kullota e bagëtive pasi të dy personat janë barinj.Ndërkohë mësohet se policia ka identifikuar autorin dhe po punon për kapjen e tij.
Njoftimi i policisë:
Delvinë, Informacion paraprak
Në spitalin e Delvinës ka shkuar i dëmtuar në këmbë me armë gjahu shtetasi L.K., 21 vjeç, banues në fshatin Rusan, Delvinë, i cili është jashtë rrezikut për jetën.
Ngjarja ka ndodhur rreth 3 km larg Delvinës për çështje kullotash.
Polica ka identifikuar autorin dhe po punohet për kapjen dhe arrestimin e tij.
