Kancelarja gjermane Angela Merkel mesa duket po kalon një periudhë jo të mirë shëndetësore. Kjo është vënë re në daljen e saj të dytë publike me persona të rëndësishëm. Ditën e sotme ajo është takuar me presidentin Frank-Walter Steinmeier.
Merkel është filmuar sërish nga kamerat duke u dridhur në një ceremoninë lamtumire për ministren Katarina Barley, e cila do të nisë një detyrë të re në Parlamentin Evropian.
Kancelares i është shfaqur i njëjti problem shëndetësor me dridhje të forta. E njëjta gjë i ndodhi edhe në takimin e 10 ditëve më parë që parë me presidentin ukrainas, Zelenskiy.
Për këtë rast, ajo u shpreh se gjithçka kishte ndodhur për shkak të dehidratimit dhe se ishte ndjerë më mirë pasi kishte pirë pak ujë.
Zëdhënësi i Merkel i pyetur nga gazetarët nëse ajo do të jetë e pranishme në samitin e G20 në Japoni që do të mbahet këtë fundjavë, u përgjigj se Kancelarja është mirë dhe gjithçka do të vazhdojë sipas planifikimeve.
