Disa ditë më parë katër persona të ardhur nga Kina në Shqipëri dyshonin se ishin të infektuar me Coronavirus.
Ata kishin hyrë përmes Aeroportit “Nënë Tereza” dhe kanë kërkuar ndihmë mjekësore pasi i trembeshin virusit kinez.
Të katërt kryen analizat në Institutin e Shëndetit Publik, i cili së fundmi ka nxjerrë rezultatet.
Fatmirësisht, të kthyerit rezultojnë negativë ndaj virusit kinez, ndërsa 2 prej tyre janë prekur nga gripi sezonal.
Numri i të vdekurve nga coronavirusi në Kinë ka arritur në 563, ndërsa mbi 28.000 të tjerë janë të infektuar.
Vendi ynë ka marrë masa paraprake për parandalimin e përhapjes së virusit dhe aktualisht në çdo pikë kufitare është ngritur dhoma e posaçme për monitorimin e rasteve të dyshura.
Po ashtu, në Spitalin Infektiv në QSUT dhomat e izolimit janë pajisur me aparaturat respiratore të monitorimit dhe sistemin e gazrave mjeksor.
