Ministri i Brendshëm Taulant Balla njoftoi se autoritetet e huaja kanë arrestuar 3 persona të kërkuar nga drejtësia shqiptare. Në njoftimin zyrtar të policisë thuhet se 40 vjeçari nga Durrësi Alban Skonja është kapur në Francë pasi akuzohet për armëmbajtje pa leje, prodhim armësh, sigurim i mjeteve për të kryer vrasje dhe si pjesë e një grupi kriminal.
Në Gjeorgji, një shtetas turk i quajtur Yalcin Hanci është prangosur dhe do të ekstradohet në Shqipëri. Ky shtetas ka qenë pjesë e një grupi kriminal që merrej me trafikun e qenieve njerëzore drejt Europës, kundrejt parave.
Në Gjermani, Kridens Mecollari është arrestuar për një sherr me armë ku për pasojë ka plagosur një person. Ai është arrestuar 5 vite më parë.
