Partia Socialiste nisi punimet për Kongresin Zgjedhor më 28 shkurt dhe sot po zhvillon ditën e fundit të Kongresit.
Në ditën e parë në rolin e grave socialiste në parti, ditën e dytë te reformat e ndryshme të ndërmarra nga mazhoranca, si Anti-KÇK dhe sot është ndalur tek të rinjtë, ku në podium për të mbajtur fjalën u ngjitën figura të ndryshme, kryesisht anëtarë të FRESH-it.
Axhenda e diskutimeve:
-Fressh Voice “PS e dekadës së re”
-Vendi: Pallati Kongreseve
-Flet kreu i FRESH Elio Hysko
-Mevlut Shehu, Student Ekselence ‘Juridik’
-Ana Shkreta, Pedagoge Ekonomik, Sfidat për Punësimin Rinor
-Eri Sulo, Diplomuar në SHBA, perspektiva europiane
-Debora Keci, te rinjte dhe shendeti
-Arlindi Kullolli, mjek
-Zgjidhet juria e Fressh Voice
-Fjala e kryeministrit Edi Rama
Kreu i Forumit Rinor të Partisë Socialiste, (FRESH) Eljo Hysko tha se në demokraci vendos vetëm vota dhe jo Luli apo Meta.
Më tej Hysko tha se të rinjtë kanë qenë në fokus PS, por sipas tij ende nuk është bërë mjaftueshëm.
“Ne kaluam kohë interesante dhe të çuditshme. Beteja e 2019 nuk ishte beteja e problematikës, por një kaos për demokracinë. Në demokraci vetëm vota vendos, as Luli, as Meta. FRESH përfaqësohet nga zëri i të rinjve. Në tërmetin e 26 Nëntorit, me qindra nga ne u vendosën në zonat e prekura dhe shërbyen pranë tyre. Ndiej keqardhje sepse që nga dita e parë në FRESH gjeta një mbështetje dhe ngrohtësi këtu. Por jam i lumtur sepse sot jam një politikan. Ne kemi bërë paktin për universitetin, kemi nxitur punësimin e të rinjve, kemi bërë luftë për drejtësinë, por këto nuk janë mjaftueshëm. Ne duhet të ecim të pastër mes kësaj kënete. Sfida jonë, është ajo e Shqipërisë europiane, këtë mund të bëjnë vetem socilaistët e rinj. Rruga jonë drejt mandatit të tretë kërkon 800 mijë vota. Ne mundemi dhe do të fitojmë. Jemi forca e re e PS”, u shpreh Eljo Hysko.
I fundit që mbajti fjalën e tij ishte kryeministri Rama, i cili e nisi me batuta ashtu siç tashmë përpiqet të bëj kudo.
Referuar një parafolëseje nga FRESH, ai tha të fala mamit, pasi ishte me PD-në, ku nuk munguan edhe duartrokitjet e të pranishmëve.
Më tej, Rama tha: “Me thënë të drejtën nuk isha përgatitur për të folur, se duhet të fliste mamica. Vajza që foli me emocion dhe që e ka mamin me PD, të fala mamit. Mami sheh larg, por mami ka ngelur tek PD-ja,vajza duhet të vijë tek PS-ja. Ne e bëmë këtë kongres dhe patëm idenë që të ndahej në 3 pjesë. E para i kushtohej grave, e dyta i kushtohej të gjithëve dhe e treta të rinjve.” .
Përveç batutave, karakteristikë e daljeve publike të Ramës është edhe sulmi që u bën mediave.
Kështu, këtë herë kryeministri ka sulmuar median për lajmet që përcjell, duke thënë se përmes medias po preket rëndë modeli i protagonistit dhe se vëmendjen po e merr protagonisiti i krimit dhe ai që vjen nga sherri i politikës.
Ndërsa tubimin e presidentit Meta ditën e nesërme e konsideroi të pakuptimtë dhe të pashpresë.
“Këtu përmes mediave dhe portaleve e mediave sociale po preket rëndë modeli i protagonistit. Kjo nuk ndodh vetëm këtu, kjo i ndodh gjithë botës por tek ne është e frikshme.
Këtu modelit të protagosnitit i shtohet dhe protagonisiti i krimit dhe ai që vjen nga sherri i politikës dhe kështu krijohet një pamje aspak e ekulibruar e vendit.Shqipëria ka një numër të ulët historik të vrasjeve.Për shkak të mospërmbajtjes së medias, për të raportuar edhe përplasjet me pemën sjell për publikun një ndjesi jo inkurajuese.Smund të ketë debate që të marrim vendin peng. Debati që artificalisht ka marrë mediat për gjithë këto kohë është besëlidhja dhe besëlikja. Nuk është ky debati. Pa kuptim, humbjëe kohe, humbje energjish. Degradim. Humbje shprese. Ky vend nuk është peng i atyre që shfaqen në televizion.”, ka thënë Rama.
