Gjykata e Shkodrës ka shpallur sot të pafajshëm 3 prej të arrestuarve nga operacioni “Oaz”.
Bëhet fjalë për ish-trajnerin e Kombëtares së femrave, Armir Grima, ish-boksierin e Vllaznisë, Nelson Hysa dhe ish-portierin e Vllaznisë B, Fabjo Rexhepi.
Të tre këto persona, dyshoheshin se ishin të përfshirë në grupin kriminal “Bajri”.
Vendimi u dha nga gjyqtari Tonin Stërkaj, shkruan gazeta “Tema”.
Ndërkohë prokurorja, Edlira Cufi kërkoi pafajësinë për mungesë provash.
Çështja u transferua në gusht në Gjykatën e Shkodrës, pas shpalljes së moskompetencës nga Krimet e Rënda.
Grupi “Bajri” konsiderohej si një nga më të rrezikshmit në Shkodër.
Mbi ta rëndojnë vepra penale si vrasje, trafik lëndësh narkotike të forta, apo gjobvënie.
Operacioni për arrestimin e anëtarëve të grupit u krye shtatorin e kaluar.
