Ministrja e Shëndetësisë, Ogerta Manastirliu gjatë mbledhjes së qeverisë, bëri me dije të dhënat e fundit nga situata e koronavirusit në Shqipëri.
Ajo u shpreh se janë bërë 18 analiza dhe tashmë priten përgjigjet, për të parë nëse janë me koronavirus apo jo.
Manastirliu ftoi të gjithë qytetarët që kanë dyshime, që të telefonojnë në numrin “127”.
“Kemi bërë dhe 18 analiza të tjera dhe priten rezultatet e tyre për të parë nëse janë me koronavirus. Ne kemi bërë një kontroll në të gjithë Shqipërinë dhe ftojmë të gjithë qytetarët që kanë dyshime të kontaktojnë në numrin 127”, u shpreh Manastirliu.
Shqipëria që prej ditës së djeshme është futur në hartën e vendeve të prekura nga koronavirusi.
Aktualisht në vendin tonë janë shënuar 10 të prekur.
Pacienti zero ishte një 28-vjeçar i cili erdhi nga Firenze nëpërmjet pikës së Hanit të Hotit më 26 shkurt.
