E përditshmja britanike ‘The Guardian’ ka publikuar një studim rreth ngrohjes globale.
Sipas saj, ngrohja globale do të sjellë rritje të temperaturave, që ka të ngjarë të shtojë vdekjet nga përplasjet në rrugë, dhunën, vetëvrasjet dhe mbytjet.
Sipas studimeve të reja ajo do të prekë më së shumti të rinjtë.
Në shqyrtim për këtë studim u morën të dhënat për gati 6 milion vdekje në SHBA, për të llogaritur ndikimet e një rritje të temperaturës me 2°C.
Shkencëtarët arritën në përfundmin se kjo rritje do të ndikojë në rreth 2.100 aksidente.
Më tej, në studim thuhet se njerëzit kanë tendencën të dalin më shumë jashtë dhe të pinë më shumë alkool në ditët e nxehta, ndërsa temperaturat e larta dihet se rritin normat e dhunës dhe vetëvrasjeve.
Studimet e mëparshme mbi ndikimin e ndryshimit të klimës në shëndet, janë përqendruar më së shumti në sëmundjet kronike siç janë sëmundjet e zemrës dhe sëmundjet infektive duke përfshirë malarien.
Shkenctarët bëjnë thirrje se duhet t’i përgjigjemi këtij kërcënimi me një gatishmëri më të madhe për sa i përket shërbimeve të urgjencës, mbështetjes sociale dhe paralajmërimeve shëndetësore.
