Një 40-vjeçar i dënuar për vrasje është ekstraduar ditën e sotme nga Italia.
Festim Rusi është dënuar me 20 vite burg për një vrasje të kryer në vitin 2001.
Ngjarja është regjistruar në fshatin Metaliki të Greqisë, ku Rusi për motive të dobëta, ka vrarë me thikë shtetasin A.R.
Gjithashtu u ekstradua nga Greqia 58-vjeçari Sherif Gjini, i lindur në Elbasan.
Ky i fundit është shpallur në kërkim ndërkombëtar, pasi Gjykata e Elbasanit e ka dënuar me 8 vite burg, për veprën penale të “Vrasjes”, kryer në kushte të rënduara psiqike.
Bëhet fjalë për vrasjen e shtetasit A.A. në vitin 2005, në fshatin Linas të komunës Mollas në Elbasan.
