Një grup prej dhjetëra shqiptarësh, pasi kanë qëndruar në vende të ndryshme europiane dhe në Amerikë, janë kthyer në atdhe.
Ata erdhën në Rinas nëpërmjet “Lasgushit”, avionit të vetëm funksional të “Air Albania”.
Një qytetare tregoi për “News24”, se kishte qenë në Neë York me pushime dhe ishte kthyer përmes Stambollit.
“U ktheva nga Neë Yorku përmes Stambollit. Isha me pushime. Do hyj në karantinë për dy javë. Isha dhe në Amerikë në karantinë”, tha ajo.
Gjithashtu një tjetër udhëtari kishte qenë në Amerikë, ku kishte takuar vajzën e tij.
“Isha në Amerikë, kam gocën atje dhe e vizitova”, u shpreh ai.
Pavarësisht përpjekjeve të Ministrisë së Punëve të Jashtme, ka ende qindra shqiptarë, të cilët nuk kanë mundur të kthehen dot në atdhe, për shkak të situatës së krijuar nga koronavirusi.
Bilanci i COVID-19, ka shkuar në 174, mes të cilëve 6 viktima dhe 17 të shëruar.
Gjatë 24 orëve të fundit, nga 103 testime, janë identifikuar 28 raste pozitiv.
Në mesin e të prekurve janë edhe 4 fëmijë, të cilët ndodhen të vetëkarantinuar në shtëpi, në gjendje të stabilizuar shëndetësore.
Ne repartin e Infektivit ndodhen 73 pacientë, 3 prej të cilëve në terapi intensive, ku dy prej tyre janë intubuar.
Pjesa tjetër e pacientëve ndodhen në pavion, në gjendje të stabilizuar shëndetësore.
Autoritetet kanë përsëritur apelin për qytetarët, që të mos drejtohen menjëherë në spital nëse kanë dyshime, por të telefonojnë në numrin 127.
