Forcat ajrore të Ministrisë së Mbrojtjes kanë arritur të shpëtojnë 6 shqiptarë nga Kosova që kishin mbetur të bllokuar në Jezercë.
Operacioni për shpëtimin e tyre filloi në orën 19:00 dhe tani ata janë dërguar në Theth në gjendje të mirë shëndetësore.
NJOFTIMI NGA MINISTRIA E MBROTJES
Një helikopter i Forcës Ajrore u angazhua në operacionin e kërkim shpëtimit në malin e Jezercës ku prej disa orësh ishin bllokuar 6 shtetas nga Kosovë. Operacioni nga ajri nisi rreth orës 19 dhe pak minuta më parë turistët u morën nga zona ku ishin bllokuar dhe u dërguan shëndoshë e mirë në Theth. Operacioni i Forcës Ajrore në bashkëpunim me Policinë e Shtetit përfundoi me sukses.
