Ambasadorja e Shteteve të Bashkuara të Amerikës, Yuri Kim ka reaguar në lidhje me aksionin e ditës së sotme në Lushnjë, ku u arrestua edhe kyetari i Bashkisë, Fatos Tushe.
Në një postim në Twitter Kim shkruan se tani është koha për të gjykuar nëse ia vlen të shkohet në burg. Ajo thotë se askush nuk është mbi ligjin.
Reagimi i plotë i Kim:
Nëse jeni të përfshirë në korrupsion – pavarësisht sa të fuqishëm mendoni se jeni – tani është koha për të peshuar ndikimin që veprimet tuaja do të kenë në familjen dhe vendin tuaj. Tani është koha për të gjykuar nëse ia vlen të shkosh në burg. Tani është koha për t’u ndalur. Askush nuk është mbi ligjin.
Kryetari i Bashkisë së Lushnjës, Fatos Tushe u arrestua ditën e sotme me urdhër të SPAK pas një aksioni të forcave RENEA, ku ranë në pranga dhe zyrtarë të tjerë. Dyshimet ndaj tij janë për korrupsion dhe shpërdorim detyre. Lidhur me këtë arrestim ka reaguar edhe kryeministri Edi Rama, i cili tha se PS nuk do të bëhet mbulesë për askënd dhe ai që ka shkelur ligjin duhet të përgjigjet vetë para drejtësisë. Ende priten detaje në lidhje me operacionin në fjalë
