Pas takimit me ish-presidentin Bujar Nishani, kryetar i Këshillit Kombëtar të PD-së, në selinë e kësaj partie, Lulzim Basha deklaroi se nuk ka më kthim pas.
Kryetari i PD-së iu ka dhënë përgjigje sot të gjithë skeptikëve për çështjen e mandateve.
Ai u shpreh i vendosur se nuk ka kthim prapa në vendimin për djegien e mandateve.
“Nuk ka lëvizje më pro Europës dhe integrimit në Europë sesa kjo që ka vendosur PD dhe opozita. Nuk ka kthim prapa, nuk është vetëm djegie mandatesh, nuk do ketë më parlament fasadë.
Ata mund të mblidhen mund të marrin vendime kundër shqiptarëve, shqiptarët do t’i përgjigjen dhe ne do jemi në krah të tyre, që ditën e enjte. E para dorëheqje e Edi Ramës dhe hetimi i tij. Qeveria tranzitore detyrë të parë dhe kryesore do të ketë të arrestojë politikanë të kapur në vjedhje votash. Qeveria duhet të mundësojë që mos ketë asnjë ndërhyrje politike, si ajo që bëri Rama për të mbrojtur Vangjush Dakon”-tha ai.
