Ambasadori i Bashkimit Europian në Shqipëri, Luigi Soreca ka takuar së bashku me ambasadoren Kim, kreun e KQZ, Ilirjan Celibashin me të cilin ka diskutuar për zgjedhjet e 25 prillit. Soreca ka bërë me dije se gjatë takimit është theksuar rëndësia e votës dhe integriteti i procesit të votimit e gjithahstu pranimi i rezultatit të certifikuar. Më tej ambasadori shkruan se BE përsërit thirrjen për përmbajtje dhe shmangie të dhunës në hapat e fundit të fushatës.
Postimi i plotë:
“Së bashku me Ambasadoren e Shteteve të Bashkuara të Amerikës Yuri Kim takuam sot Kryetarin e KQZ Ilirjan Celibashi për të vlerësuar përgatitjen e përgjithshme përpara zgjedhjeve të së dielës. Theksuam rëndësinë e ushtrimit të së drejtës së votës dhe integritetin e procesit të votimit dhe numërimit. Përsëritëm pritshmërinë tonë që të gjitha palët të shmangin shpalljen e parakohshme të rezultateve të votimit të së dielës dhe të pranojnë rezultatet e certifikuara nga KQZ. Përsërisim thirrjen tonë për përmbajtje dhe shmangie të dhunës dhe fjalës nxitëse në hapat e fundit të fushatës. #BE dhe shtetet e saj anëtare do të jenë të pranishme ditën e zgjedhjeve me 50 ekipe të vendosura në qendrat e votimit në të gjithë #Shqipërinë. #BE 🇪🇺 do të qëndrojë pranë popullit shqiptar ditën e zgjedhjeve.”
https://www.facebook.com/eu.delegation.albania/posts/3833623020040806
