Sot në Bruksel u mblodhën në një takim ministrat e Jashtëm të Bashkimit Europian ku është diskutuar edhe për Ballkanin Perëndimor. Lidhur me këtë çështje ka folur edhe Përfaqësuesi i lartë për Politikë të Jashtme dhe Sigurisë së BE-së, Josep Borrell. Ai preku në veçanti integrimin e Shqipërisë dhe Maqedonisë së Veirut duke thënë se ky është fokusi kryesor. Borrel gjithashtu se duhet të ecet para me integrimin e dy vendeve, pasi Rajoni ka një rol të veçantë në Europë.
“Ne duhet të ecim para me integrimin e Shqipërisë dhe Maqedonisë së Veriut në BE dhe duam ta theksojmë edhe njëherë se nuk ka pasur asnjëherë qëllim për të ndarë vendet në rrugën e tyre të integrimit. Rajoni ka një rol të veçantë në Evropë dhe për Evropën. Ka një rol strategjik për ne. Mesazhi që ministrat çuan sot, ri afirmim se e ardhmja e tyre është në BE. Ne duam të tregojmë se kemi një angazhim ne te gjithë aspekt”, tha Borrell.
Ai ka folur edhe për Kosovën duke thënë se vizat duhen liberalizuar sa më parë, ndërsa qeveria aktuale nuk ka pasur mjaftueshëm informacion nga të mëparshmet.
“ Qeveria e re na tha se nuk kishte mjaftueshëm informacione nga qeveria e mëparshme. Nuk mund të kalojmë në pushime pa mbajtur takimin e ardhshëm.”
