Deputetja e zgjedhur e PD-së, Jorida Tabaku ka thënë se Shqipëria renditet e dyta në botë për nivelet e korrupsionit sipas raporteve të Bankës Botërore dhe BERZH-it. Ajo shkruan se bizneset shqiptare paguajnë 3 herë më shumë korrupsion se 8 vite më parë dhe se ky nuk është raporti i parë e as i fundit ndërkombëtar që tregon natyrën e regjimit të korruptuar që shqiptarët kanë përballë.
Në grafkët e publikuar nga Tabaku, Shqipëria renditet e dyta pas Zambias dhe ndiqet më tej nga Maroku.
Postimi i plotë:
Një shtet i kapur nga korrupsioni, që fut duart në xhepat e sipërmarrjeve dhe qytetarëve.
Kjo është e vërteta e Shqipërisë që pasqyrohet edhe nga Banka Botërore dhe BERZH.
Të dytëtnë botë për korrupsionin, me zyrtarë që mbushin portofolet nga taksat e shqiptarëve dhe u heqin fitimet bizneseve të shqiptarëve.
3herë më shumë korrupsion paguajnë bizneset shqiptare në raport me 8 vite më parë!
ky nuk është as raporti i vetëm dhe as raporti i fundit ndërkombëtar që tregon natyrën e vërtetë të regjimit të korruptuar që shqiptarët kanë përballë.
Korrupsioni është oksigjeni i kësaj mazhorance prandaj ajo stimulon pandershmërinë dhe paligjshmërinë.
Një regjim që vjedh zgjedhjet mund të ofrojë vetëm vjedhjen dhe korrupsionin si formë qeverisje!
