Nënkryetari i Gruopit Parlamentar, Ervin Salianji ka dalë në një deklaratë për mediat pas mbledhjes së kryesisë së Partisë Demokratike, dega lokale me nisjen e sesionit të ri parlamentar.
Ai është shprehur se takimi është zhvilluar për të qenë sa më afër qytetarëve. Salianji është shprehur se Partia demokratike është partia e vetme që ka primare, interesin për publikun dhe atë për qytetarët. Gjithashtu ai ka thënë se ka zhvilluar takimin me qytetarët për të denoncuar çfarë do lloje abuzimi duke nisur nga Niko Peleshi që sipas tij, si ministër Bujqësie ka helmuar qytetarët.
“Pas mbledhjes së kryesisë së PD dega lokale me nisjen e sesionit të ri parlamentar dhe aksionit politik të PD jo vetëm në parlament por edhe në terren zhvilluam një mbledhje. Mbledhja ishte për të intensifikuar edhe më shumë takimet me qytetarët,për të bërë të mundur më tepër praninë e deputetëve por edhe strukturave të PD pranë qytetarëve,për të ngritur sa më shumë problematikat masive të shprehura nga qytetarët gjatë fushatës dhe pas saj, për të qënë sa më pranë tyre si partia e vetme që ka interes primar, interesin publik dhe atë të qytetarëve. Për të denoncuar ccdo lloj abuzimi duke nisur nga Niko”tritoli” që si ministër i bujqësisë helmoi qytetarët,si ministër i mbrojtjes i shërben kompanive klienteliste për të vazhduar më tej me gjithë keq-qeverisjen dhe gjithë abuzimet që kanë shkaktuar varfëri, braktisje të vendit nga ana e të rinjëve dhe mungesë të shpresës që padyshim është detyrë thelbësore PD dhe ekipit të saj për të qenë më pranë tyre dhe për të bërë të mundur që luftën me regjimin dhe shkurtimin e tij ta bëjmë të mundur 1 orë e më parë duke qenë më shumë pranë qytetarëve”- tha Salianji.
