Presidenti i Republikës së Shqipërisë Bajram Begaj, ka zhvilluar një bisedë telefonike me Presidenten e Republikës së Kosovës, Vjosa Osmani, ku ka dënuar me forcë aktet terroriste të kryera me lëndë eksplozive në kanalin Ibër-Lepenic.
Begaj theksoi se këto sulme synojnë shkatërrimin e infrastrukturës kritike të Kosovës dhe përbëjnë një kërcënim serioz për sigurinë kombëtare të vendit.
“Presidenti mbështet fuqishëm të gjitha përpjekjet e Republikës së Kosovës për përballimin e situatës dhe hetimin e ndëshkimin e plotë të këtij akti sabotues e terrorist”, thotë Presidenca në një njoftim.
