Sulmet kibernetike në vend kanë sjellë shqetësime dhe reagime nga të gjitha palët. Sulmi më i fundit ishte ai gjatë fundjavës ndaj sistemit TIMS.
Sulmi në sistemin TIMS u bë i ditur pikërisht nga kryeministri Edi Rama ku sipas tij ishte sërish një sulm nga Irani.
Mirpo pas deklaratave të shumta dhe supozimeve që hakerat kanë akses jo vetëm në sistemin TIMS por edhe në shenjat e gishtërinjve, kryeministri Rama betohet sot se hakerat nuk kanë marrë asnjë të dhënë nga sulmi i tyre ndaj sistemeve shqiptare. Por në fakt e vërteta qëndron ndryshe, sot hakerat kanë nxjerrë në shitje të gjitha të dhënat që ka sistemi TIMS, ku janë emrat dhe fotot e çdo shqiptari.
Edhe sot pasdite Rama sërish ka theksuar se Shqipëria nuk ka humbur asnjë të dhënë, por nuk ka treguar ende se çfarë kanë rrëmbyer hakerat, të cilët kanë nxjerrë në shitje sekretet shqiptare.
Në lidhje me këtë temë ka reaguar sot edhe gazetari Klodian Tomorri, i cili shkruan në ‘Facebook’ se, kështu si e kanë nisur hakerat, do të nxjerrin në shitje dhe kryeministrinë e shtëpinë e Ramës në Surrel.
‘O Rame, leri ato që nuk rrodhi asnjë e dhënë se të dhënat e shtetit kanë dalë të gjitha në pazar, por shiko se kështu si e kanë nisur këta do të shesin dhe godinën e Kryeministrisë me gjithë shtëpinë në Surrel’, shkruan gazetari Klodian Tomorri në Facebook.
