Një sulm në një qendër tregtare “Hermann” në Kuopio në Finlandë, la një të vdekur dhe 10 të plagosur.
Sipas mediave të huaja, brenda qendrës tregtare, ndodhej edhe një shkollë profesionale.
Agresori, i armatosur me një mjet të mprehtë dhe armë, sulmoi nxënësit e shkollës.
Fillimisht autori goditi memjetin e mprehtë në qafë dhe në bark një vajzë, e cila humbi jetën.
Më pas ai u përlesh me disa nxënës, ku mori edhe disa plagë.
Mësohet se dy prej studentëve të plagosur ndodhen në spital në gjendje të rëndë.
Ndërkohë trupi i viktimës u gjend brenda njërës prej klasave të shkollës.
Autori i dyshuar është dërguar menjëherë në paraburgim.
Rrethanat dhe motivi i ngjarjes janë enigmë.
Në lidhje me këtë ngjarje ka reaguar edhe kryeministri finalndez, Antti Rinne.
“Dhuna në Kolegjin Profesional Savo në Kuopio është tronditëse dhe plotësisht e papranueshme. Kam folur me Drejtorin e Përgjithshëm të Policisë dhe qeveria po monitoron nga afër situatën. Në emrin tim dhe të gjithë qeverisë, ngushëlloj të gjithë të afërmit.”, deklaroi Rinne.
