Zëdhënësja e Partisë Demokratike, Ina Zhupa ka reaguar pas dhunë që u ushtrua mbi avokatin 39-vjeçar, Marjel Mejdini gjatë paradites së sotme në qytetin e Sarandës. 39-vjeçari që u dhunua barbarisht mësohet të jetë edhe aktivist i Partisë Demokratike. Me anë të një postimi në rrjetet sociale, Zhupa iu ka bërë thirrje autoriteteve dhe policisë që të hetojnë ngjarjen dhe të vënë para drejtësisë autorët e kësaj ngjarje.
Ndër të tjera Zhupa thotë se vendi ynë po bëhet çdo ditë e më i pasigurt dhe se qeveria sipas saj është në shërbim të krimit ndërsa policia garante e tij. Ajo ka thënë ndër të tjera se qytetari është viktimë e regjimit Rama-Doshi.
Postimi i plotë i Ina Zhupës
Sot në Shqipëri askush nuk është më i sigurt.
Në mes të ditës, në mes të qytetit turistik të Sarandës, Marjel Mejdi, aktivist i PD, qytetar model nga fisi Mejdi eshte goditur barbarisht nga persona te panjohur.
I bëj thirrje autoriteteve policore të hetojnë pa humbur kohë ngjarjen dhe të vënë para drejtësisë autorët për të marr dënimin e merituar.
Vendi po bëhet çdo ditë e me i pasigurt. Qeveria sic po dëshmohet gjithnjë e me shumë është në shërbim të krimit dhe policia garante e tij. Drejtesia është në duart e më të fortit, me të pasurit e më te pushtetshmit.
Qytetari është viktima e regjimit Rama- Doshi!
