Presidentja Vjosa Osmani ka reaguar për ngjarjen e rëndë të ndodhur në Decan këtë të premte, ku mbetën të vdekur tre persona.
Ajo u bën thirrje organeve që ta hetojnë rastin, duke theksuar se sulmi ndaj autobusit me nxënës është goditje ndaj rendit të vendit, prandaj ajo thotë se nuk do të ketë stepje në gjetjen dhe dënimin e autorëve.
Gjithashtu presidentja iu shprehu ngushëllime të sinqerta familjarëvetë të vrarëve dhe iu uroi shërim sa më të shpejtë për të lënduarin.
“Tronditës lajmi për aktin kriminal në Gllogjan, në të cilin sipas të dhënave aktuale kanë humbur jetën 3 persona dhe ka mbetur një i plagosur.
Ju shpreh ngushëllime të sinqerta familjeve të të vrarëve dhe uroj shërim të shpejtë për të lënduarin.
Ftoj organet e rendit që sa më parë t`i zbulojnë autorët e krimit dhe t`i sjellin para drejtësisë.
Sulmi ndaj autobusit me nxënës është goditje ndaj rendit e sigurisë sonë. Siguria e qytetarëve është prioritet, ndaj nuk do të zmbrapsemi në përmbushjen e këtij misioni”, shkruan Osmani.
Kujtojmë që deri më tani janë zbardhur emrat e tre viktimave të sulmit janë: Gani Gjokaj – shoferi, Ledion Hamzaj dhe Gentiana Mustafaj nxënës të moshës 16 dhe 17 vjeç.
Është rënduar bilanci i sulmit me armë ndaj një autobusi që po transportonte nxënës drejt fshatit Gllogjan, ku humbën jetën Gentiana Mustafaj 17-vjeçare dhe Ledion Hamzai 18-vjeçar së bashku me shoferin. Ndërkohë sipas informacioneve bëhet me dije se ka ndërruar jetë edhe fatorino i autobusit.
