Bashkimi Europian ka insistuar në thirrjen e vazhdueshme që të ketë ndërprerje të sulmeve mes Izraelit dhe Palestinës.
Së fundmi edhe kryediplomati i BE-së për Politikën e Jashtme, Josep Borrell tha dje nga Brukseli se ndërprerja e luftimeve duhet të bëhet “menjëherë”. Ai theksoi nevojën që të krijpohen korridore humanitare, që të mbërrijnë ndihma në Gaza.
Borrell deklaroi se ditët në vazhdim do të shkojë në në Lindjen e Mesme, në Izrael dhe në territoret palestineze si dhe në Bahrain, Arabinë Saudite dhe në Jordani. Ai do të bisedojë “me politikanët drejtues në rajon për ndihmat humanitare dhe çështjet politike”. Ai ka ardhur me një porpozim në lidhje me dy shtetet Izrael- Palestinë.
“BE insiston për hapjen e korridoreve humanitare, në mënyrë që të mbërrijnë ndihmat në Rripin e Gazës. 40 kamionë kalojnë ndërkohë çdo ditë pikën kufitare Rafah mes Gazës dhe Egjiptit. Por kjo është shumë pak. Duhet t’i jepet fund konflitkit dhe të fokusohemi tek një perspektivë afatgjatë. Kjo zgjidhje mund të jetë vetëm krijimi i dy shteteve”, theksoi Borrell.
