Është publikuar nga mediat vendase austriake, foto e autorit 20-vjeçar shqiptar, së bashku me identitetin e tij.
Mësohet i riu është identifikuar me emrin Kujtim F. Dhe është me origjinë nga Maqedonia e Veriut, ndërsa mbante dhe pasaportë austriake.
Mediat vendase kanë shkruar se 20-vjeçari, të cilit i kanë siguruar edhe një foto ku ai shfaqet i armatosur, me kallashnikov, pistoletë e hanxhar, ka qenë i dënuar më parë dhe me precedent penal. Në vitin 2019, ai është liruar me kusht nga burgu.
Bëhet me dije se 20-vjeçari bënte pjesë në grupin e austriakëve të radikalizuar që ka tentuar të shkojë në Siri për luftë. Për këtë ai u dënua me 22 muaj burg në prill 2019. Edhe një nga autorët e tjerë të sulmit terrorist që përgjaku dje Vjenën duke u marrë jetën 3 banorëve të saj, dhe la të plagosur 15 të tjerë, është nga Maqedonia e Veriut, me origjinë shqiptare.
“Kam zbuluar disa detaje rreth terroristit. Emri i tij është Kurtin S., i lindur në 2000, ishte 20 vjeç, u lind dhe u rrit në Vjenë dhe ka rrënjë shqiptare. Prindërit e tij vijnë nga Maqedonia e Veriut dhe nuk bien në sy kur bëhet fjalë për Islamizmin”, shkroi më herët Sipas kryeredaktorit të gazetës javore vjeneze Falter, Florian Klenk.
Gjitashtu mediat austriake kanë shkruar se i riu me origjinë shqiptare, kujtim F. i është betuar vetëm pak ditë përpara akteve të përgjakshme, me besnikëri të pakushtëzuar, kreut të grupit terrorist ISIS,
Abu Ibrahim al-Hashimi al-Quraishi, i cili u emëruar pas vdekjes së Ebu Bekr Al-Bagdadit./GazetaReforma.com/
