Kreu i PD-së Lulzim Basha ka kujtuar 20-vjetorin e sulmit të 11 shtatorit, duke përkujtuar viktimat e terrorizmit dhe bashkuar solidaritetit me familjarët dhe kombin amerikan. Basha është politikani i parë shqiptar që përkujton sulmet e 11 shtatorit në SHBA, të cilat tronditën botën. Basha thotë se Shqipëria qëndron krah SHBA-ve në luftën kundër terrorizmit dhe mbrojtjes së vlerave.
Në një postim në rrjetin e tij social “Tëitter”, kreu I Partisë Demokratike Basha ka bërë një reagim duke shkruar se sulmet e 11 shtatorit ishin sulme ndaj vlerave të lirirsë, demokracisë dhe bashkëjetesës. Ai thekson aleancën me SHBA në luftën kundër terrorizmit dhe mbrojtjes së vlerave.
“Dy dekada më parë, bota u trondit nga sulmet terroriste të 11 shtatorit jo thjesht ndaj SHBA, por ndaj vlerave të lirisë, demokracisë dhe bashkëjetesës. I bashkohemi përkujtimit të viktimave të terrorizmit, dhe solidaritetit me familjarët e tyre dhe kombin mik amerikan. Ne qëndrojmë në krah të partnerit strategjik të Shqipërisë në luftën kundër terrorizmit dhe mbrojtjes së vlerave, që na bashkojnë në aleancën dhe miqësinë e vecantë mes dy kombeve tona”, shkruan Basha.
Kujtojmë që sulmet e ndodhura në Shtetet e Bashkuara të amerikës në 11 shtatorin e vitit 2001 lanë pas mijëra të vdekur, plagoje dhe shkatërrime totale. U shënua si një ndër sulmet më të madha historike në vend.
