Pakistani është tronditur nga një sulm me bomb që është regjistruar këtë të premte në një zonë në provincën Baluchistan të Pakistanit jugperëndimor.
Besimtarët myslimanë ishin mbledhur për të festuar Mevludin en-Nabi, i cili njihet si ditëlindjen e Profetit Muhamed. Besimtarët ishin duke shpërndarë ushqim falas për njerëzit.
Bëhet e ditur se nga ky shpërthim kanë mbetur viktima të paktën 52 persona dhe janë plagosur dhjetëra të tjerë. Numri i viktimave u konfirmua nga Abdul Rasheed Shahi, oficeri i shëndetësisë në rajonin Mastung. Mes viktimave ishte edhe një polic.
Ai deklaroi se të paktën 50 persona të tjerë ishin plagosur. Këta të fundit u dërguan në spitalet që ndodhen pranë zonës, ndërsa disa prej tyre janë në gjendje kritike.
“Asnjë grup nuk ka marrë ende përgjegjësinë për shpërthimin”, thanë zyrtarët.
Shpërthimi ishte sulmi i fundit që ngriti polemika në Pakistan, ku grupet militante janë bërë më aktive gjatë dy viteve të fundit.
