Sulm i përgjakshëm në Paris, 4 oficerë policie masakrohen me thikë nga kolegu i tyre

Google+ Pinterest LinkedIn Tumblr +

Një sulm i përgjakshëm me thikë është regjistruar mesditën e sotme në Paris.

Siç raportojnë mediat e huaja, 4 oficerë kanë mbetur të vrarë në zyrat qëndrore të policisë.

Sipas të dhënave të para, mësohet se agresori është anëtar i stafit.

Ai u qëllua për vdekje nga një oficer policie.

Menjëherë pas sulmit, zona në “la de la Cite” në qendër të kryeqytetit francez është mbyllur.

Një zyrtar i policisë tregoi se sulmi nisi në njërën nga zyrat dhe më pas u zhvillua në të gjithë godinën.

Besohet se përgjegjësi i sulmit është një 20-vjeçar, administrator në repartin e inteligjencës, i cili nuk kishte shkaktuar kurrë probleme në të shkuarën.

Një tjetër punonjës, Emery Siamandi, tha për “Associated Press”, se dy oficerë dolën nga zyrat duke qarë.

Gjithashtu ai shtoi se edhe një oficer i tretë, i cili vrau agresorin, u ul në gjunjë dhe filloi të qante.

Sipas mediave franceze, viktimat janë 3 meshkuj dhe një femër.

Në vendngjarje ndërkohë kanë shkuar edhe presidenti francez, Emanuel Macron, ministri i Brendshëm dhe prokurori i Parisit.

Shkaku i sulmit ende nuk është i paqartë, ndërsa disa media lokale dyshojnë se agresori ka pasur një konflikt me eprorin e tij.

Shpërndaje
Share.

Komento