Gjatë orëve të natës, rreshje tepër të dendura të shiut dhe stuhitë e forta me erë kanë përfshirë Tiranën dhe shumë qytete të tjera, duke shkaktuar disa dëme materiale.
Bëhet me dije se era ka qenë e fortë dhe ka rrëzuar shumë pemë disavjeçare në disa rrugë të kryeqytetit, ndërkohë punonjësit e Bashkisë kanë punuar gjatë gjithë orëve të mbrëmjes për lehtësimin e situatës.
Gjithashtu, situata është paraqitur problematike edhe në disa qytete të tjera të vendit. Kryesisht në Shkodër, Lezhë, Bulqizë dhe Gjirokastër. Pemët shekullore janë rrëzuar nga era dhe kanë rënë mbi makinat e parkuara krah rrugës.
Edhe në Shkodër stuhia e djeshme ka shkaktuar shumë dëme materiale, ku shumë pemë janë rrëzuar shumë pemë, të cilët kanë rënë mbi makina si dhe janë shqyer shumë pllaka trotuarish.
