Sa më shumë kohë kalon, aq më shumë rëndohet situata nga COVID-19, teksa deri tani janë shënuar 41, 237 viktima dhe 836, 894 të infektuar në 201 vende në të gjithë botën.
E vetmja formë mbrojtjeje deri tani ka qenë izolimi dhe distancimi social, ndonëse po bëhen përpjekje edhe për krijimin e vaksinës e cila do i jepte fund kësaj beteje me armikun e padukshëm.
Mirëpo, teksa vaksina ende nuk është krijuar, eksperiencat e disa vendeve që kanë arritur të kufizojnë përhapjen e COVID-19, tregon se testimi në mënyrë masive luan goxha rol të rëndësishëm.
Së fundmi, raportohet se studiuesit gjermanë kanë shpikur një metodë që mund të rrisë ndjeshëm numrin e testimeve të koronavirusit.
Ka qenë ministrja gjermane e Shkencave ajo që e ka dhënë këtë lajm, duke i lejuar Gjermanisë të kryejë 400,000 teste në ditë pa humbur saktësinë e diagnostikimit.
Me këtë mënyrë testimi, shkencëtarët i testojnë tamponët me metodën PCR, e cila identifikon direkt koronavirusin.
Nëse rezultati i përgjithshëm është negativ, atëherë tamponët e ndarë janë të gjithë negativ, por nëse rezultati i përgjithshëm është pozitiv, tamponët duhet të vlerësohen secili veçmas.
Kujtojmë se Gjermania është shteti me shkallën më të ulët të vdekshmërisë në botë, pasi ndonëse janë mbi 67 mijë të infektuar janë rregjistruar vetëm 600 viktima, mosha mesatare e të cilëve është 80 vjeç.
