Pastrimi i parave në Evropë është një nga çështjet më të nxehta të kohës dhe pikërisht kjo arsye ka shtyrë tre autorët Arthur Hartmann, Trygve Ben Holland and Sarah Holland të shkruajnë një libër rreth kësaj çështjeje.
“Terroristët janë të motivuar politikisht, “kriminelët e zakonshëm” së pari kërkojnë paratë. Dhe kështu që të dy vijojnë të bashkëpunojnë”, kanë shkruar tre autorët.
I gjithë libri lidhet me një studim specifik për Ballkanin Perëndimor, ku Shqipëria zë një vend të veçantë.
Sipas autorëve, ndonëse toleranca fetare në Shqipëri vlen për tu theksuar, ajo që mbetet problem, është fakti se Shqipëria është një vend kufitar me Bashkimin Evropian, gjithashtu edhe një shtet i dobët, i vjetër, me një mafie të organizuar etnikisht dhe me ekspozim të fortë ndaj botës islame.
Autorët shprehen se përkundër tolerancës fetare, për të cilën është për tu marrë shembull dhe është e vështirë që të mund të depërtojë ekstremizmi islamik, janë shumë faktorë të tjerë që vlen të përmenden si: Gjatë viteve 90′ në Shqipëri janë rekrutuar shumë luftëtarë nga islamikët, ndonëse iu janë bashkuar më shumë për shkaqe ekonomike sesa ideologjike.
Por një fakt tjetër sipas autorëve është prania e Al Kaedës deri në vitet 90′-të, e cila thuhet se ka qenë aktive në trafikun e drogës, armëve dhe në larjen e parave. Gjithashtu hidhen dyshime se Osama bin Laden, mund të ketë pasur dokumente udhëtimi shqiptare.
Në studim, autorët shprehen: “Në Shqipërinë, e cila është kandidate për anëtarësim në Bashkimin Evropian që në vitin 2014, kontrolli i parasë mbetet jo efikas, ashtu si dhe monitorimi i transaksioneve monetare. Dokumentet vështirë të kontrollohen në hapjen e një llogarie bankare. Në vend qarkullojnë kudo ID false. Kumari lulëzon, licencat janë lehtësisht të arritshme nga lidhjet me zyrtarët dhe ndërrimit të tyre në zyra. Këta të fundit shpesh kanë lidhje “miqësore” me zyrat jashtë vendit, nëpërmjet të të cilave transferojnë shuma të mëdha parash. Përfitimet nga transaksionet ilegale mund të nxirren lehtësisht jashtë vendit apo edhe të futen në treg”.
Por nuk kanë ndaluar këtu. Për ta bërë më të prekshme situatën ata kanë dhënë shembullin e një firme ligjore dhe konsulence, e cila ka kërkuar që të sigurojë kalimin e 15 anijeve me naftë bruto për konsumatorët e BE dhe SHBA. Sipas tyre dyshimi se këto stoqe nafte mund të ishin të ISIS, është i qartë.
Po ashtu në shkrimin e publikuar nga “Franffurter Allgemeine”, shkruhet se 3 autorët citojnë në studimin e tyre një deputet shqiptar, i cili nuk i ka dëgjuar asnjëherë problemet me të cilat e ballafaqojnë studiuesit dhe kjo ka qenë situata më e sikletshme.
Vallë mos ta dinë deputetët shqiptarë sesi është gjendja në vendin tonë dhe ta dinë tre studiues të huaj që as jetojnë, as banojnë dhe as kanë lidhje të drejtpërdrejta a të tërthorta me ne?
