Shpesh është paraqitur si “natyrale”, si një lloj ilaçi që qetëson mendjen dhe trupin. Por shkenca sapo ka dhënë një mesazh të prerë: marihuana nuk është aq e pafajshme sa mendohet. Përkundrazi, përdorimi i saj lidhet drejtpërdrejt me një rrezik vdekjeprurës për zemrën.
Një studim i ri ndërkombëtar, që përfshiu të dhëna nga 200 milionë persona, nxori një konkluzion: përdoruesit e kanabisit kanë dyfish rrezik për të vdekur nga sëmundjet kardiovaskulare, krahasuar me ata që nuk e përdorin.
Jo vetëm kaq. Tek ta u vu re një rritje me 20% e goditjeve në tru dhe 29% më shumë raste me sindromë akute koronare, që përfshin infarktin dhe sulmet e papritura kardiake.
Kanabisi dobëson arteriet, rrit tensionin dhe rrahjet e zemrës, dëmton rregullimin e gjakut dhe përgatit terrenin për sulme fatale. Efektet janë të krahasueshme me ato të duhanit,
një tjetër helm i pranuar shoqërisht, por që dihet mirë se vret.
Të thuash “është natyrale” nuk është më një justifikim. Helmi mbetet helm, pavarësisht formës që merr.
Shkencëtarët theksojnë se rreziku është edhe më i madh për ata që kanë histori familjare me sëmundje zemre, hipertension, diabet apo kolesterol të lartë.
Kanabisi mund të të kushtojë jetën. Zemra nuk fal, dhe çdo kompromis me shëndetin e saj është një lojë ruse që nuk dihet kur përfundon.
