Një studim i realizuar nga Universiteti i Leicesterit në Britaninë e Madhe, ka konstatuar se një e treta e pacientëve që shërohen nga koronavirusi kthehen në spital brenda pesë muajsh.
Ndërsa, një në tetë pacientë që e kanë kaluar koronavirusin ndahen nga jeta 140 ditë pas sëmundjes, thuhet në studimin e këtij universiteti.
Ekspertët gjithashtu po studiojnë efektet afatgjata të sëmundjes në trup, ndërsa qindra njerëz dolën në rrugët e Londrës gjatë fundjavës. Pas këtyre daljeve masive, duke qenë se vendi me urdhër të qeverisë së Boris Johnson është në karantinë, policia nuk ka hezituar që të gjobisë qytetarët që thyenin karantinimin. Midis qytetarëve të dalë nëpër qytete, sipas mediave britanike kishte shumë persona të dehur.
Përllogaritjet kanë treguar s eincidenca ditore në Britani është rreth 50 mijë dhe numri i të vdekurve tani tejkalon një mijë çdo ditë.
Në njësinë e kujdesit intensiv, mjekët bëjnë përpjekje të jashtëzakonshme për të parandaluar kolapsin e sistemit të furnizimit me oksigjen, ndërsa shtretërit zihen në mënyrë dramatike.
Studimi i Universitetit të Leicesterit, arriti në përfundimin se nga 47,780 rastet me Covid-19 që dolën nga spitali gjatë valës së parë të pandemisë, 29.4% u kthyen brenda 140 ditësh dhe 12.3% nuk mundën të mbijetonin.
Sipas drejtuesit të kërkimit, Camles Candy, ky është “studimi më i madh me në fokus pacientët që kanë dalë nga spitali pas infektimit me Covid.”
“Njerëzit duket se shkojnë në shtëpi, kanë simptoma afatgjata, kthehen në spital dhe më vdesin. Ne shohim që 30% kthehen në spital sërish…shifrat janë shumë të larta”, ka deklaruar drejtuesi i kërkimit studimor, Camles Candy./Gazetareforma.com/
